Hefur þú áhuga á starfsnámi hjá Diction?

Viltu setja þitt handbragð á Diction?
Ertu forvitinn, framtakssamur og metnaðarfullur einstaklingur?
Langar þig að tengja fræðin við starfið?
Þá ættir þú að athuga með starfsnám hjá Diction!

Sem starfsnemi hjá Diction verður þú hluti af alþjóðlega teyminu okkar í Kaupmannahöfn. Hér fyrir neðan getur þú lesið stutta samantekt á því hvað felst í starfsnámi hjá Diction:

Lifandi starfsumhverfi hjá fyrirtæki í örum vexti
Innsýn inn í starfsemi hjá alþjóðlegu "Startup" fyrirtæki
Starfsnám þar sem þú færð mikla ábyrgð og möguleika á að vinna sjálfstætt
Mánaðargreiðslu upp á 3000 danskar krónur
Sérsniðið 4-6 mánaða starfsnám
Frían hádegismat, ávexti, nammi og annað góðgæti
Möguleika á ráðningu eftir starfsnám
Skrifleg meðmæli við lok starfsnáms

Diction ræður inn starfsnema að vori og hausti

Diction ræður inn starfsnema tvisvar á ári og eru yfirleitt 2-3 starfsnemar í hverju teymi. Fyrrra teymið starfar að vori til og hefur störf í febrúar og seinna teymið er tekið inn að hausti og hefur störf í byrjun ágúst. Samningar um starfsnám hjá Diction vara yfirleitt í 4 mánuði og geta að hámarki varað í 6 mánuði. Allt starfsnám þarf að vera viðurkenndur hluti af námi, samþykkt af skólanum og metið til ECTS – eininga. Auk þess að fá reynslu í starfi fær viðkomandi einnig mánaðarlega greiddar 3000 danskar krónur á mánuði.

Lausar stöður í starfsnám

Hafðu endilega samband við okkur ef þú vilt fá frekari upplýsingar um starfsnámið okkar. Sendu inn ferilskránna þína, umsókn og einkunnir til [email protected]. Mundu að skrifa í athugasemdadálkinn hvaða starfsnám þú ert að sækja um.

Hvaðan höfum við verið að fá starfsnema

Við leggjum mikinn metnað í það að allir okkar starfsnemar fái góða starfsþjálfun og þess vegna hefst ferlið á viku innleiðingar námskeiði. Frá 2016 til sumars 2020 höfum við haft 17 starfsnema og hafa 7 fengið störf hjá okkur í kjölfarið (41%), allt frá starfi með námi yfir í fullt starf. Við fáum starfsnema frá mörgum mismunandi námsgreinum. Hér fyrir neðan geturðu séð dæmi um hvaðan og á hvaða námsbrautum við höfum fengið starfsnema:

Meistaranemi í tungumálafræði – Háskólinn í Uppsölum
Meistaranemi í samskiptum og sálfræði – Háskólamiðstöð Hróarskeldu
Meistaranemi í alþjóðaviðskipta- og samskiptafræði – Viðskiptaháskólinn í Kaupmannahöfn
Meistaranemi í alþjóðlegum samskiptum fyrirtækja á frönsku – Viðskiptaháskólinn í Kaupmannahöfn
Bachelor nemi í alþjóðlegum samskiptum fyrirtækja á spænsku – Viðskiptaháskólinn í Kaupmannahöfn
Bachelor nemi í fyrirtækjahagfræði – Háskólinn í Álaborg
Meistaranemi í stefnumiðaðri stjórnun og virðiskeðju - Viðskiptaháskólinn í Kaupmannahöfn
Meistaranemi í ensku – þýðingar og samskipti – Háskólinn í Kaupmannahöfn
Bachelornemi í frönsku – Háskólinn í Uppsölum
Bachelornemi í viðskipta- og félagsfræði – Viðskiptaháskólinn í Kaupmannahöfn
Meistaranemi í viðskiptafræði og leiðtogafærni – Háskólinn í Hróarskeldu
Bachelornemi í málvísindum – Háskólinn í Uppsölum

Fyrrum starfsnemar

Umsögn frá Emilie Berglund, starfsnemi í mannauðsstörfum vorið 2020

“Starfsnámið mitt hjá Diction gaf mér mjög mikið, bæði persónulega og faglega. Mín verkefni voru á mannauðssviðinu og ég sá um að ráða inn þýðendur. Í starfsnáminu fékk ég tækifæri til að nýta fræðin í daglegu starfi, en það hefur gefið mér reynslu í því hvernig þú velur á milli starfsumsókna.

Nánar tiltekið þá tók ég þátt í 24 starfsnáms og starfssamtölum fyrir ráðningu inn á skrifstofuna hjá Diction. Þar fékk ég að reyna hæfni mína til að taka viðtöl við fólk og eftir það, tók ég sjálf 4 starfsnámssamtöl. Auk þess var ég ábyrg fyrir því að auglýsa eftir starfsnemum haustið 2020 á Linkedln síðu Diction, heimasíðu, samfélagsmiðlum og öðrum viðeigandi miðlum. Við prófuðum líka nýja leið við að finna starfsnema með því að taka þátt í starfsdögum bæði hjá dönskum og sænskum háskólum og það gekk mjög vel.”

Emilie er að læra fyrirtækjahagfræði, HA, Bachelor við Háskólann í Álaborg

Umsögn Mie Kähler, Mannauðsstarfsnemi haustið 2020

" Í starfsnáminu hef ég fengið að þroskast/þróast faglega og var að lokum boðið að fá áframhaldandi vinnu með náminu mínu. Hjá Diction eru oft skemmtilegir viðburðir og ég hef eignast marga nýja vini.

Viðburðirnir hafa verið allt frá því að fara í keilu, föstudagsbar og jólahlaðborð yfir í Hawaii þemapartý. Það er m.a., á þessum viðburðum sem ég hef byggt tengsl og vinskap við samstarfsfélaga mína og það er mikilvægt fyrir mig. Diction er án efa vinnustaður, þar sem þú getur styrkt bæði félagslega og faglega færni."

Mie úskrifaðist sem meistaranemi í samskiptum og sálfræði (Cand.comm. i kommunikation & psykologi), sumarið 2021.

Svona gengur starfsnámið okkar fyrir sig

Á meðan á starfsnáminu stendur færðu svokallaðann "mentor, það getur verið t.d. þinn næsti yfirmaður. Mentorinn aðstoðar þig á meðan á starfsnáminu stendur og hans markmið er m.a., að þú þróist í starfi og að tryggja að þú fáir viðeigandi verkefni allan tímann. Við sníðum starfsnámið svo það passi náminu þínu og þú færð frí þegar þú ert að fara í próf og próflestur. Í upphafi er 5 daga innleiðingarnámskeið og síðan er mat á ferlinu eftir 1 viku, 4 vikur, þegar starfsnámið er hálfnað og aftur þegar því er lokið.

Myndir af viðburðum Dicton

Hjá Diction finnst okkur það mikilvægt að það ríki góður andi á skrifstofunni. Það á að vera staður þar sem allir þrífast vel. Þar fyrir utan þá höldum við allskonar viðburði. Við höfum t.d., borðað saman, haft vínsmökkun, farið í DHL-boðhlaupið, farið í lautarferð í Kongens Have, haldið spilakvöld og margt fl. Þú getur fylgst með viðburðunum okkar og hversdagsleikanum á skrifstofunni á Instagram síðunni okkar. Fara á Instagram síðu Diction.

Kíktu á okkur á starfsdögum

Diction tekur þátt í framadögum háskólanna á hverju ári. Við spjöllum við nemendur og svörum spurningum um störf og starfsnám hjá Diction. Diction hefur tekið þátt í starfsdögum hjá fjölda háskóla, sem við vinnum náið með. Við erum árlega á starfsdögum hjá eftirfarandi háskólum.

Háskólinn í Árhúsum
Háskólinn í Óðinsvé
Háskólinn í Hróarskeldu
Háskólinn í Lundi
Viðskiptaháskólinn í Kaupmannahöfn

Ef þú nærð ekki að hitta á okkur í þínum skóla þá ertu velkominn í heimsókn á skrifstofu okkar við Gammeltorv á Strikinu í Kaupmannahöfn. Þú mátt gjarnan láta okkur vita áður með því að senda okkur tölvupóst. Skrifaðu til [email protected].