Hágæða þýðingar fyrir einstaklinga, stofnanir og fyrirtæki - Snör og vönduð vinnubrögð

Þýðingar

Allir þýðendurnir okkar þýða yfir á móðurmál sitt og hafa þar að auki áralanga reynslu af þýðingum. Við veljum sérfræðinga á viðkomandi sviði af kostgæfni og þannig getum við ábyrgst gott orðaval og villulaust málfar. Diction Ísland býður upp á faglegar þýðingar milli fjölda tungumála og margra fagsviða. Einn af mikilvægustu þáttum góðrar þýðingar er að tekið sé tillit til menningarlegra og tungumálalegra einkenna viðeigandi markhóps og þar höfum við forskot verandi með risastórt tengslanet innan þýðingageirans.

Afhendingartími

Við erum sveigjanleg þegar kemur að afhendingarfresti og breytir þá oftast engu hvort um er að ræða stór eða lítil verkefni. Afhendingartíminn veltur að mestu á magni textans, en að jafnaði eru fimm virkir dagar nægur frestur. Við getum þó oft afhent þýðinguna fyrir lok afhendingarfrestsins. Ef um er að ræða stærri verkefni þá þurfum við í einhverjum tilvikum lengri tíma.

Lágmarksverð

Engin verkefni eru of lítil fyrir okkur. Við höfum lágmarksverð sem er 18.620 kr. fyrir öll verkefni. Ef þú ert með mjög lítið magn af texta getur það verið góður kostur fyrir þig að safna saman nokkrum litlum verkefnum og senda okkur. Við viljum setja okkur eins vel inn í öll verkefni og því gefum við okkur alltaf ákveðinn tíma, jafnvel þó verkefnið sé smátt.

Trúnaður

Mikið af þeim texta sem við vinnum hefur ekki verið birtur opinberlega eða notaður áður. Það er því mikilvægt fyrir viðskiptavini okkar að það ríki trúnaður um innihald textans. Við höfum því gert allar nauðsynlegar öryggisráðstafanir til að geta viðhaldið trúnaði og gildir þá einu hvort það eru þýðingar eða prófarkalestur. Allir þýðendur okkar eru bundnir trúnaðar- og þagnarskyldu og þú getur því öruggt sent okkur þitt skjal.

Gæðaeftirlit

Til að tryggja vandaðar hágæða þýðingar er ófrávíkjanlegt skilyrði hjá okkur að hinn þýddi texti sé yfirlesinn eftir á og farið sé yfir villur, málfar og annað. Eftir að búið er að yfirlesa þýðinguna og við erum fullviss um að textinn sé í lagi þá sendum við hann til þín tilbúinn til notkunar. Gæðaferli okkar felst í því að allir okkar þýðendur þurfa að uppfylla strangar kröfur. Til að geta unnið hjá Diction þarft þú að hafa lokið meistaragráðu, eða annarri samsvarandi menntun. Auk þess þurfa allir þýðendurnir okkar að leysa prufuverkefni, sem síðan er metið af fagaðilum. Þýðendur okkar þurfa einnig að vera skráðir verktakar í því landi sem þeir vinna í og mega eingöngu þýða yfir á sitt móðurmál.

Allar þýðingar á einum stað

Annar kostur þess að láta þýðingastofu sjá um þýðingar fyrir þig er að þú getur sent öll þýðingaverkefnin á einn stað. Okkur er mikið í mun um að geta boðið hraða þjónustu, án þess að það bitni á gæðunum. Með því að fela okkur að sjá um þýðingarnar fyrir þig getur þú verið viss um að þú fáir hraða þjónustu og þú getur valið um þýðingar á fjölda tungumála. Síðast en ekki síst færðu leiðbeiningar og ráð varðandi textann frá þýðandanum í lokin.

Hafðu samband í síma 644 0800 eða sendu okkur tölvupóst á [email protected] til að fá tilboð án skuldbindingar.